Yonˍhk'aˇ
Awˬhkuiˉpeuˍleh awˬleh meuˇmaˇcawˬve, Co co
taiˍtaiˍte‸chehˇve 3 to 1 to tiˉve GuiˬSha lehˬ, AwˬPa GuiˬSha, YaˇHpu GuiˬSha,
leh Aw Ha Hpu GuiˬSha hta‸yonˍve yoˬ.
Li‸Hpu lehˬGuiˬSha dawˇpawˍpiˇleh bvuh‸taˍve, leh co co taiˍtaiˍhk'aˬhtaˆka‸kanˇpaˆcawˬchehˇve
yoˬteh‸ yonˍve yoˬ
YeˬSuˆHkri‸lehˬawˬtehˬawˬna GuiˬSha hpeh‸leh chaw
yaˇhtawˇhpeh ve yoˬ. Maˍriˆyaˇmiˇhaˉgeh paw la leh, venˇbaˆhtawˇmaˇcawˬ. La‸ka
hk'oˆlo chaw yaˇteˇg'aˇle le awˬpon hkanˍshuh leh, 3 nyi gaˬhtaˇ k'aw‸te‸tu la
peuˬhk'aw‸nawˉ, GuiˬSha mehˆg'uˇsuhˍleh chaw yaˇmehˆguˇsuhˍa sha‸te‸ve yoˬ,
teh‸yonˍve yoˬ
GuiˬSha lehˬchaw yaˇhta‸Yawˇve awˬho‸awˬha leh, Yawˇve
awˬg'euˆba tuˬte hpaˍtaˍve yoˬ, Yaˬhk'aˇvenˇbaˆmiˬguiˬhk'oˆlo lo‸la ve hta‸pa
taw , Chaw yaˇleh, yawˇhpaˍtaˍve aw ceuˍhk'a peu-eˬlehˬ, g'a tu‸g'a hkanˍleh
suh ve hta‸g'a hpfuhˇve teh‸yonˍve yoˬ.
JawˇmawˇYeˬSuˆHkri‸la‸ka hk'oˆlo hkanˍsuh laˇleh yawˇve
awˬbon awˬshiˉhta‸ pa taw, ngaˬhui htaiˍhk'aw‸ve g'a leh, GuiˬSha mvuhˇmiˬchaw
hpeh‸la ve, leh GuiˬSha mvuhˇmiˬlehˬ ngaˬhui awˬkaˍlo gaˬla peuˬteh‸yonˍve yoˬ.
YeˬSuˆHkri‸lehˬya‸k'aw yoˬ, theˇve cawˇve teˇceuˬka‸, Co ha
te‸ve teˇceuˬka‸hpeh‸ve yo. (Yoˇhanˍ 14:6)
Venˇbaˆdawˇhpfuhˆleh YeˬSuˆlehˬngaˬve htaiˍhk'aw‸paˍyoˬ, teh‸yonˍve
hk'aw lo, GuiˬSha hta‸cawˇda‸hui da‸la leh, yawˇve awˬg'euˆawˬhk'aw lo a
sha‸te‸hpeh‸ ve yoˬ, teh‸ yonˍve yoˬ
Da‸ve kehˬve awˬha hpu lehˬngaˬhui GuiˬSha ve yaˇhpeh‸tuˬnyi
ma awˬhk'aw lo htawˆhkanˍlaˇleh, tsuhˇhpu laˇ, sheh yuˬlaˇ, ngaˬhui awˬhk'aw lo
Yawˇve a loˍte biˇlaˇve yoˬ.
Da‸Ve KehˬVe AwˬHa Hpu leh aˬmiˍawˬhk'aw Baˆtiˆsaˬhkanˍyuˬve
lehˬ, JawˇMawˇYeˬSuˆHkri‸piˇ laˇve awˬceuˬyoˬteh‸yonˍleh, (Ma‸htehˍli‸ 3:11,
Tcuh yaˇli‸ 1:6-8) AwˬHa Hpu ve tawˇlaiˉceuˬhkawˇyaw leh bon lawˬve
hta‸yonˍve yoˬ(Tcuh yaˇ li‸ 2:4).
Daˬve kehˬve awˬha hpu lehˬGuiˬSha yoˬteh‸yonˍve, ngaˬhui ve
a sha‸te‸hk'aˇleh dawˇhk'aˇhta‸da‸kehˬlaˇg'a ve yoˬteh‸yonˍleh, Yawˇngaˬhui geh
teˇyaˇle chehˇleh teˇkaˬle lo chehˇve yoˬteh‸yonˍve yoˬ.
Ceuˇcaoˬlehˬ, YEˬSUˆHKRI‸hta‸yonˍve chaw pawˇda‸kuiˬyoˬ. A
so-eˍGuiˬSha ve kanˉte paˍKawˉLawˉHpeh‸hui leh,
YeˬSuˆHkri‸ve awˬla‸g'awˇhui, ve yonˍhk'aˇmaˍhk'aˇawˬhk'oˆlo
taˬkawˍtaˍve yo. Chi hk'oˆka‸YeˬSuˆHkri‸lehˬ, ngaˬhui awˬpon awˬ hkuiˉ puiˍ awˬ
ceˍ kʼaweh‸ ve haˉ pui shiˍ yeˬjaˇve hpeh‸ve yoˬ.(Eˇfeˇsu‸ li‸ 2:20-22)
CeuˇcaoˬlehˬYeˬSuˆHkri‸ve kanˉhta‸k'aw‸canˉte leh neˆhaiˬve
kaˇpaˆhta‸te luˬte sheˆve yoˬ. Chi hk'oˆka‸YeˬSuˆHkri‸hta‸ha‸leh, na yuˬtuˬpon teˇchaw ceuˬle le hta‸Ha LehˬBon
Hkawˇmaˍpiˇleh Iˉkaˆtuˍpiˇve yoˬ.
Mvuhˇnaw ma mvuhˇmiˬleh, mvuhˬnaˆho‸lehˬ, awˬtehˬawˬna
cawˬve yoˬ. Chaw teˇhpaˍk'o htaiˍhk'aw‸ve g'a leh, teˇhpaˍk'o suhˉjehˬve
hta‸g'a ve, teh‸yonˍve yoˬ
YeˬSuˆHkri‸ve kanˇpaˆlehˬchi beu‸hk'a gaˬkanˉte chehˇshaw‸ve
yoˬ. Yawˇhta‸yonˍleh, Yawˇve kanˉte ve chaw, a yeˇte leh Yawˇgeh
lawˬyuˬhk'o, kanˇpaˆoˇve g'a tu
yoˬteh‸yonˍve yoˬ. (Luˉka‸li‸ 9:1-2,6)
AwˬPa GuiˬSha lehˬngaˬhui hta‸ha‸jaˇve pa taw
JawˇMawˇYeˬSuˆHkri‸hta‸ngaˬhui awˬpon hkanˍsuh tcuh laˇleh, awˬnu ve teˇceuˬle
le htawˇpiˇlaˇve yoˬ.
JawˇmawˇYeˬSuˆlehˬngaˬhui hta‸htaiˍhk'aw‸laˇleh, AwˬPa GuiˬSha
hta‸k'aw‸cawˇda‸hui da‸tcuh laˇve yoˬ.
Da‸ve kehˬve AwˬHa Hpu lehˬ, ngaˬhui YeˬSuˆHkri‸hta‸yonˍve chaw
hta‸JawˇMawˇGuiˬSha ve yaˇhpeh‸ve yoˬteh‸htawˆhkanˍlaˇleh, JawˇMawˇYeˬSuˆawˬhk'aˇshui
a sha‸te‸k'ai tcuh laˇve yoˬ